|
Halbmondclique Frenkendorf
Eus chunnt halt das Johr nüt in Sinn
Er schloft no fescht der Fasnachtsnaarr,
bewegt sich chum und isch wie starr
Fescht müed halt no vom letschte Johr,
doch ganz vill schöns chunnt ihm grad vor
Wäge der Müedi die Fasnacht das Johr verschlofe??
Nei chasch dänke, lieber würd er sis Läbe verschänke
Mit Lib und Seel ä grosse Narr, er läbt für Fasnacht das isch klar
So mänge Traum träumt er im Chopf
sis Härz das böberlet und chlopft
Doch losisch guet und luegsch genau,
wirsch trotzdäm nit so richtig schlau
Ich sägs euch jetz, er träumt vom trommle und vom pfiffe
Eso tüen sini Idee riffe
S neu Kostüm, farbig muesses usestäche
Und d Larve derzue, die söll fründlich lächle
Genau eso stellt er sich’s vor
Der Wecker schällt, si Traum verplatzt
Die ganz Idee die isch für d Chatz
Er hirnt studiert, s chunnt nümme zrugg,
die guet Idee in Färni gruckt
Doch au ä Leeri chame fülle
mir möchtes drumm jetz schnäll enthülle
S Sujet vo däm Johr seit lut si Stimm
Eus chunnt halt das Johr nüt in Sinn
|