Das Charivari Parlamänt in dr Färnseh-Arena
|
Halbmondclique Frenkendorf
Das Charivari Parlamänt in dr Färnseh-Arena
Moderator Liebs Publikum im Studio, mir sin nit ellei i begriess au d Zueschauer an de Färnsehgrät dehei direkt us em ARENA-Studio vier Fasnachts-Parteie dien do stoh si rede stryte, kämpfe, jätte dien ihri Programm verbisse verdrätte erkläre was uf ihre Helge stoot und wo das in Zuekunft anegoot mit de Inhalt vo de Wahlplakat in däm Charivari Wahl-Salat was möglichi Politiker-Larve verspräche um nach der Wahl ihr Verspräche z’bräche was links und rächts so probagiert und wo das Ganzi anefiert was in däm Chaos do vereint politisch derzue d Mitti meint Manne so Fraue dien do chnuure und haue sich verbal uf d Schnuure d Arena isch eröffnet und in freie Händ willkomme zum Charivari-Parlamänt! SP Mir sinn immer no die beschti Wahl denn „S“ stoht schliesslich für sozial und für Pfyffer denne s’P“ mir dien sogar au Tamboure ne alli sinn bi uns willkomme ohni Vorurteil unignomme dien di Problem und Sorge drugge bisch Mitglied vonere schränzende Gugge mit uns Harlekin chasch s läbe wieder begriffe… Moderator jo;….jede Dubel darf bi euch pfiffe SP Mir si eifach so sozial das mir vo eus us abnormal au s Läggerli in Zuekunft pfyffe Blocher und Vortrab inbegriffe Fasnacht isch für alli glatt und findet nit nur für Tamboure statt Moderator Jetzt wird’s langsam zue sozial aber ebe Wahl isch Qual an dere Stell duets euch au wee d Antwort vo der SVP SVP Mir Ueli sinn ganz glycher Meinig nur in eim Punkt mit Euch nit einig mir Tamboure drummle ab jetzt elei lööhnt euer Piccolo dehei die hoche lingge falsche Töön wo dir us däm Geiferbalke uselöön sin nit emol für Usländer schön das isch weder Rassismus no soziale Saich vo Chiembäse bis Morgestraich alli Strosse, Wäägli, Gasse ghöre Uns der Drummel-Rasse drumm wählet Ueli unverdrosse „um Vier Uhr wird zurückgeschosse!!!“ Moderator Klari Sätz hän die do droffe oder velicht zvill Ueli Bier gsoffe sigs wies well mir mache wyter an dere Stell FDP In euser Fraktion isch inbegriffe das alli zämme drummle und pfiffe us gmeinsamer Liebi zum Konfetti alles zämme an d Fasnacht wetti ob Drummler, Pfyffer – was weiss ich alli Fasnächtler sin glich alli zämme glich bedroffe… Moderator jo und alli zämme am Schluss bsoffe! CVP-Club der virtuosen Pfeifer… und Spirituosen stönde hinter mir am Tisch, wie no öppis säge, bevor die Sändig ume isch CVP Mir sage aich als Pierro do das ka eso nit wider go ihr drummlet alli ganz verschisse was mir an dere Stell vermisse: Qualität wurde mir begriesse und wär dryruesst mues me biesse e klaine Schritt in qualitative Sache E grosse fyr alli wo Fasnacht mache! Moderator An dere Stell isch Zyt jetzt duure d Sändig ume- fertig schuure liebs Publikum dehei und im Saal Sie stönde vo der Qual zur Wahl nur no öppis do dr’zue no simmer fertig, no isch Rueh;
mir chönne zwar intrigiere, am Schluss aber müessemer alli zämme regiere! |
|
Das isch dr Sujet 2012 Bricht - Do goht's zrugg zur Übersicht |